RAM-online-learning-Programs-acting-direction-screenwriting-production-India-in-7languages

  अभ्यासक्रमाविषयी थोडक्यात

  • RAM च्या माध्यमातून उपलब्ध करून देण्यात आलेल्या शिक्षणाच्या विविध संधी
   

चित्रपट निर्मिती हा एक असा सुरेख संगम आहे जिथे, चित्रपटात्मक कल्पना वास्तवात साकारण्यासाठी असंख्य सर्जनशील आणि तांत्रिक कौशल्य असणारे घटक एकत्र येतात. RAM बरोबर जोडले जा!आणि चित्रपट या कलाक्षेत्रातील विविध पैलू समजावून घेत त्यात प्राविण्य मिळवण्याच्या या प्रवासात सहभागी व्हा!  

  • कथा आणि पटकथा
   

  आपण प्रत्येकजण कथा ऐकत आणि सांगत असतो. दंतकथा हा तर आपल्या संस्कृतीचा अविभाज्य घटक असून आपल्या बालपणीच्या आठवणींशी तो अगदी घट्टपणे जोडला गेला आहे. आपण पडद्यावर चित्रपटाच्या माध्यमातून जे काही पाहतो त्यादेखील कथाच असतात. अशा कथा ज्यांमध्ये काल्पनिक व्यक्तिरेखा त्यांच्या आयुष्यातील एक विशिष्ट टप्पा जगत असताना दाखविण्यात येतात. या चित्रपटांमध्ये आपल्याला खिळवून ठेवणारी कोणती गोष्ट असेल तर ती म्हणजे दोन तासाच्या कालावधीमध्ये चित्रपटाची कथा कशा पद्धतीने विस्तारत आणि पुढे सरकत जाते. आणि इथेच खरा कथालेखक आणि पटकथा लेखकांचा कस लागतो. कारण चित्रपट हा एका छोट्याशा कल्पनेतून निर्माण झालेला असू शकतो. पण या छोट्याशा कल्पनेचा विस्तार करणे आणि तिचे रूपांतर चित्रपटामध्ये करणे ही एक सर्जनशील आणि दाद देण्यासारखी प्रक्रिया आहे. त्यामुळेच कथा आणि पटकथा लेखनासाठीच्या आमच्या अत्यंत अभ्यासपूर्ण डिजिटल कोर्सच्या माध्यमातून तुम्ही चित्रपटासाठी अगदी व्यावसायिकपणे आणि उत्कंठावर्धक कथा आणि पटकथा कशी लिहावी यासंबंधीचे विविध घटक अभ्यासू शकता.

RAM
  • डिजिटल चित्रपटनिर्मिती

   

भारतात चित्रपटक्षेत्राला मोठा इतिहास आहे. चित्रपट निर्मितीच्या या क्षेत्रामध्ये अवघ्या शंभर वर्षांमध्ये अक्षरशः नाट्यमय पद्धतीने मोठी उत्क्रांती झालेली आहे. आज चित्रपट हा डिजिटल झालेला आहे. पूर्वी मानवी हस्तक्षेपाशिवाय अपूर्ण राहणारी चित्रपट निर्मितीची प्रक्रिया आता मानवी हस्तक्षेपाशिवाय पूर्ण करता येऊ शकणारी आहे. पूर्वी ज्या प्रक्रियेमध्ये प्रचंड मोठ्या प्रमाणात मनुष्यबळ आणि कित्येक तास लागत असत, तीच प्रक्रिया आता काही थोडक्या व्यावसायिक सहकाऱ्यांच्या साहाय्याने आणि अगदी कमी कालावधीत पूर्ण होत आहे. हे सर्व कशाने साध्य झाले, असे कोणी विचारले असता याचे उत्तर आहे डिजिटल चित्रपट निर्मिती. आमच्या ऑनलाइन डिजिटल चित्रपट निर्मितीच्या कोर्समध्ये चित्रपटक्षेत्रातील मानांकनानुसार चित्रपट निर्मितीची प्रक्रिया, त्याची साधने म्हणजेच टूल्स आणि नव्या युगातील चित्रपट बनविण्याचे कौशल्य विस्तृतपणे शिकविण्यात येणार आहे.

RAM-online-free-direction-course-in-your-language-India
  • दिग्दर्शन

   

प्रत्येक चित्रपटामध्ये त्या चित्रपटाची कथा पडद्यावर साकारण्याची एक वेगळी पद्धत असते. प्रत्येक चित्रपटाचे वेगळेपण हे त्या चित्रपटाच्या दिग्दर्शकाच्या दृष्टिकोनाचे फलित असते. दिग्दर्शक हा कागदावर लिहिलेली कथा पडद्यावर चित्रपटाच्या स्वरूपात कशा पद्धतीने साकारता येईल याचे कल्पनाचित्रण करून, ती कथा प्रत्यक्षात चित्रपटाच्या रूपात निर्माण करण्यासाठी त्यातील सर्व घटक अगदी नेमकेपणाने एकत्र गुंफतो. दिग्दर्शन हे तंत्रज्ञानप्रधान असलेले सर्जनशील क्षेत्र आहे. दिग्दर्शकाला चित्रपट निर्मिती प्रक्रियेतील बारीक-सारीक गोष्टींपासून मोठ्यातील मोठ्या घटकांकडे लक्ष द्यावे लागते. RAM चा दिग्दर्शनाबाबतचा डिजिटल कोर्स तुम्हाला, चित्रपट क्षेत्रातील सर्व घटकांची मूलभूत माहिती असणारा आणि दिग्दर्शनात विशेष प्रावीण्य असलेला दिग्दर्शक बनवितो.

RAM-Screenwriting-course-online-free-in-7Indian-languages
  • अभिनय

   

अभिनय म्हणजे शारीरिक हालचाली, चेहऱ्यावरील हावभाव, भावना आणि समयसूचकता दाखवत केलेले वास्तववादी सादरीकरण. अभिनय म्हणजे काल्पनिक प्रसंगांमध्ये एखाद्या व्यक्तीचे जीवन प्रत्यक्ष जगणे. अभिनयाचा आणि ग्लॅमरचा, सौंदर्याचा आणि या क्षेत्रातील स्थान मिळवण्यासाठीच्या स्पर्धेचा चुकीचा संबंध जोडला जातो. त्यामुळे या साऱ्याच्या मागे न धावता, प्रामाणिकपणे अस्सल अभिनयकला आत्मसात करणे आवश्यक आहे. त्यामुळेच आमच्या नेमकेपणाने तयार केलेल्या ॲक्शन(Action) कोर्सच्या माध्यमातून अभिनय कौशल्य शिका. अभिनय करण्याच्या विविध पद्धती समजावून घ्या आणि सादरीकरणाचे तंत्र आत्मसात करा.

RAM-
  • चित्रपट निर्मिती

   

चित्रपट निर्मिती म्हणजे, चित्रपट निर्माणाच्या प्रकल्पाचे सुयोग्य नियोजन करणे आणि ते अंमलात आणणे. निर्मितीमध्ये अनेक विभाग असतात. चित्रीकरणाचे वेळापत्रक बनवणे आणि संयोजन करणे. निर्मितीपासून आर्थिकबाबींपर्यंत समन्वयकाची भूमिका बजावणे इत्यादी. चित्रपट निर्मितीची प्रक्रिया सुरळीत होण्यसाठी केवळ सर्जनशीलता पुरेशी नाही, त्याचबरोबर व्यावसायिक दृष्टीकोन आणि तांत्रिक बाजूंची समज असणे देखील आवश्यक आहे. त्यामुळे ज्यांना चित्रपट निर्मिती प्रत्यक्ष अनुभवून शिकायची आहे त्यांच्यासाठी, रामोजी अकॅडमी ऑफ मूव्हीजचा (RAM) चित्रपट निर्मिती अभ्यासक्रम (free online film production course @RAM) बनवला आहे. या अभ्यासक्रमाच्या माध्यमातून डिजिटल युगात प्रवेश केलेल्या या क्षेत्रातील आव्हाने आणि गरजा यांचे सखोल ज्ञान दिले जाते. रामोजी अकॅडमी ऑफ मूव्हीजमध्ये (RAM) विद्यार्थांना विशेष माहिती आणि ज्ञान मिळवता येणार आहे. तसेच या क्लिष्ट प्रक्रियेच्या प्रत्येक पैलूचे आकलन करून घेता येणार आहे. रामोजी अकॅडमी ऑफ मूव्हीजमध्ये (RAM) तुम्ही ऍडव्हान्स मिडिया प्रोडक्शन कोर्स ऑनलाईन पद्धतीने विनामुल्य शिकू शकता.(Media production course online for free @RAM)

RAM-Screenwriting-course-online-free-in-7Indian-languages
  • फिल्म production (सिने निर्मिती)

   

RAM च्या फिल्म प्रोडक्शन कोर्सच्या मदतीने सिनेमा कलाविश्वातील रोमांचक जगाची सफर तुम्ही करू शकता. कल्पनेतील दृश्ये सत्यात उतरवून काल्पनिक पात्रांना पडद्यावर कसे जिवंत करायचे हे शास्त्रोक्त पद्धतीने तुम्हाला येथे शिकता येईल. या कोर्स मध्ये एका छोट्या कल्पनेचे रूपांतर मोठ्या चित्रपटात कसे होते याच्या सर्जनशील, व्यवस्थापकीय व व्यावसायिक पैलूंचा समावेश आहे. या पैलूंचा अभ्यास करून सिनेविश्वात एक कुशल सिनेनिर्माता म्हणून कसे काम करायचे याचे ज्ञान आत्मसात करा.

RAM-