திரைப்படப்படிப்புகள் ஓர் கண்ணோட்டம்
- RAM-ல் உள்ள கற்றல் வழிகள்
படம் தயாரிக்கும் முறை என்பது ஒரு அற்புத படைப்புத் திறனின் வெளிப்பாடு ஆகும். ஒரு திரைப்படத்தை உயிர்பிக்க வேண்டும் என்றால் ஏராளமான படைப்புத்திறன் மற்றும் தொழில்நுட்ப திறமைகள் ஒன்றிணைந்து செயல்பட வேண்டும். இவ்வாறு சினிமா கலைகளின் பல்வேறு அம்சங்களை மாஸ்டர் செய்வதற்கான பயணத்தைத் தொடங்க RAM மில் எங்களுடன் சேருங்கள்.
- கதை மற்றும் திரைக்கதை
நாம் அனைவரும் பலதரப்பட்ட கதைகளை கேட்கிறோம், பகிர்ந்து கொள்கிறோம் பொதுவாக கதைகள் நமது குழந்தை பருவ நினைவுகளுடன் வலுவான பிணைப்பைக் கொண்டுள்ளதோடு மட்டுமன்றி நமது கலாச்சாரத்தின் ஒரு அங்கமாகவும் இருந்து வருகின்றது. பெரிய திரையில் நாம் பார்ப்பது சினிமாவின் கற்பனை கதைகளை தான், படத்தில் வரும் கற்பனை கதாபாத்திரங்கள் ஒரு வட்டத்தில் தங்கள் வாழ்க்கை எவ்வாறு வழி நடத்துகின்றன என்பதையே கதைகளாக நாம் காண்கிறோம். 2 மணி நேரத்தில் கதையின் ஓட்டமும் கதையின் முன்னேற்றமுமே படங்களில் நம்மை ஈடுபட செய்கிறது. இங்குதான் கதை மற்றும் திரைக்கதை எழுத்தாளர்களின் திறமை கணக்கிடப்படுகிறது. ஒரு சிறிய யோசனையிலிருந்து திரைப்படம் உருவாகலாம், ஆனால் அந்த யோசனையை திரைப்படத்தில் செயல்படுத்துவது ஆக்கப்பூர்வமான மற்றும் பாராட்டத்தக்க செயலாகும். கதை மற்றும் திரைக்கதை பற்றிய எங்கள் சிந்தனையுடன் தொகுக்கப்பட்ட டிஜிட்டல் பாடத்தில், ஒரு திரைப்படத்திற்கான தொழில்முறை , கதை மற்றும் திரைக்கதை எழுதுவதைப் பற்றி நீங்கள் அறிந்து கொள்வீர்கள்.
- டிஜிட்டல் ஃபிலிம் மேக்கிங்
இந்தியாவில் திரைப்படங்களுக்கு 100 ஆண்டுகளுக்கும் மேலான வரலாறு உண்டு. ஒரு நூற்றாண்டுக்கும் மேலாக திரைப்படங்களை உருவாக்கும் தொழில்நுட்பம் இப்போது வியக்கத்தக்க முறையில் பரிணாம வளர்ச்சி அடைந்துள்ளது. இன்று சினிமா டிஜிட்டல் ஆகி விட்டது மற்றும் திரைப்படத் தயாரிப்பு செயல்முறைகள் தானியங்கிமயமாகி விட்டன. முன்னதாக, திரைப்படத் தயாரிப்பிற்கு பல பணியாளர்கள் மற்றும் நீண்ட மணிநேரம் தேவைப்படும். இப்போது ஒரு தனிப்பட்ட தொழில் முறை மற்றும் மிகக் குறைவான மணி நேரங்களே தேவைப்படுகின்றன. இவை எப்படி சாத்தியமானது? என்ற கேள்வியின் பதிலே டிஜிட்டல் பிலிம் மேக்கிங். எங்களின் ஆன்லைன் டிஜிட்டல் ஃபிலிம்மேக்கிங் பாடமானது, ஒரு நவீன கால சினிமாவை உருவாக்குவதற்கான அனைத்துத் துறைசார்ந்த செயல்முறைகள், கருவிகள் மற்றும் நுட்பங்களை விரிவாக கற்பிக்கப்படுவதின் மூலம் நீங்கள் அதில் தனித்தன்மையோடு செயல்பட உதவும்.
- இயக்கம்
ஒரு கதையை சிறந்த முறையில் இயக்கி திரையில் சித்தரிக்கும் முறையே ஒரு படத்தை தனித்தன்மை பெற செய்கிறது. ஒவ்வொரு படத்தின் தனித்துவமும் திரைப்பட இயக்குனரின் பார்வையின் விளைவே ஆகும். காகிதத்தில் எழுதப்பட்ட திரைக்கதையை இயக்குனர் காட்சிப்படுத்துகிறார் மற்றும் அதை யதார்த்தமாக கொண்டு வர அனைத்து படம் சார்ந்த அனைத்து தொகுப்புகளையும் ஒன்றாக இணைக்கிறார். இயக்கம் என்பது ஒரு டெக்னோ-கிரியேட்டிவ் துறை ஆகும். ஒரு படத்தை சிரத்தையுடன் இயக்க அந்த இயக்குனர் அனைத்து செயல்பாடுகளையும் உன்னிப்பாக கவனிக்க வேண்டும். RAM அனைத்து செயல்பாடுடன் கூடிய பாடத்திட்டத்தின் மூலமாக உங்களை மாஸ்டர் ஆஃப் டைரக்ஷனாக தயார்படுத்துகிறது.
- ஆக்ஷன்
ஆக்ஷன் என்பது உடல் அசைவுகள், முகபாவனைகள், உணர்ச்சிகள் மற்றும் மனதின் இருப்பு ஆகியவற்றை யதார்த்தமான நடிப்பின் மூலம் வெளிப்படுத்துவதாகும். நடிப்பு என்பது கற்பனையான சூழ்நிலைகளில் ஒருவரின் வாழ்க்கையை உண்மையாக வாழ்வது மற்றும் உடலாலும் மனதாலும் வெளிப்படுத்துவதாகும். கவர்ச்சியாக நடிப்பது மற்றும் அழகாக சித்தரிக்கப்படுவதே நடிப்பு என்ற தவறான கண்ணோட்டத்திலே பார்க்கப்படுகிறது ஆனால் இங்கே நீங்கள் சிறந்த பயிற்சியின் மூலமாக திறமையாக நடிக்கவும் மேம்படுத்தப்பட்ட பாடத்திட்டத்தின் மூலமாக நடிப்பின் நுட்பங்களையும் தெரிந்து கொள்வீர்கள்
- திரைப்படத் தயாரிப்பு
திரைப்படத் தயாரிப்பு என்பது ஒரு கட்டமைக்கப்பட்ட வழியில் திட்டமிட்டு, பணிகளை சிறந்த முறையில் செயல்படுத்துவது.
திரைப்படத்தயாரிப்பு என்பது பல பணிகளை உள்ளடக்கியுள்ளது . திட்டமிடல் மற்றும் படப்பிடிப்புகளை ஒருங்கிணைத்தல், பட்ஜெட் மற்றும் ஒருங்கிணைப்புக்கு பிந்தைய தயாரிப்புகளை மேற்பார்வையிடுதல் ஆகிய பல பணிகளைக் கொண்டுள்ளது.
இதற்கு படைப்பாற்றல் மட்டுமே போதுமானதல்ல, தொழில் நுட்பம் மற்றும் வணிகத்தின் அம்சங்களைப் புரிந்துகொள்ளும் திறனும் தேவை. ராமோஜி அகாடமி ஆஃப் மூவிஸின்(RAM) திரைப்படத் தயாரிப்பு பாடப்படிப்பு, செயல்முறைகளால் சிறந்த பணிகளை செய்வதில் ஆர்வம் இருப்பவர்களுக்கு மிகவும் பொருத்தமானது. டிஜிட்டல் யுகத்தில் மாற்றங்கள் ஏற்பட்டுள்ள திரைப்படத் தயாரிப்புத்துறையின் தேவைகள் மற்றும் சவால்கள் பற்றிய நுணுக்கங்களை இந்தப்பாடப்பிரிவு வழங்குகிறது.
இந்தப் பாடத்திட்டத்தின் மூலம் திரைப்படத் தயாரிப்புத்துறையில், சிக்கலான செயல்முறையின் ஒவ்வொரு அம்சத்தையும் புரிந்துகொள்வதற்கான சிறப்புத் தகவல் மற்றும் நிபுணத்துவ அறிவை மாணவர்கள் பெறுவார்கள்.
அத்தகைய மேம்படுத்தப்பட்ட திரைப்படத்தயாரிப்பு கோர்ஸை ஆன்லைனில் இலவசமாக ராமோஜி அகாடமி ஆஃப் மூவிஸில் கற்றுக்கொள்ளுங்கள்.
-
படத் தொகுப்பு – பாடத் திட்டம் ஒரு பார்வை
