కోర్సుల వివరాలు
దేశంలోనే మొట్టమొదటిసారిగా సినిమా నిర్మాణ విద్యలో ఉత్తమ పద్దతులను క్రోడీకరించి, లోతైన విశ్లేషణలతో, సమగ్రమైన ఆన్‌లైన్ కోర్సులతో మందుకు వస్తోంది RAM. వీటి ద్వారా విద్యార్థులు విజ్ఞానం, నైపుణ్యాలను మాత్రమే కాదు, సృజనాత్మకతను పెంపొందించుకుంటూ, బహుముఖ వ్యక్తిత్వ నిర్మాణాన్ని పొందవచ్చు.
ఈ ఆన్‌లైన్ ట్రైనింగ్ డిప్లొమాల ద్వారా సినిమా నిర్మాణ ప్రాథమిక అంశాలు, దర్శకత్వం, స్క్రీన్ రైటింగ్, నటన, సినిమా నిర్మాణం నేర్చుకోవచ్చు.
-
చిత్రనిర్మాణ మూలసూత్రాలు
చలనచిత్ర నిర్మాణానికి సంబంధించిన ప్రాథమిక అంశాలపై పట్టు సంపాదించడానికి, ఈ రంగంలో విస్తృత పరిజ్ఞానం పొందటానికి ఈ కోర్సు ఉపయోగపడుతుంది. పలు మాడ్యూల్ ల ఈ కోర్సు విద్యార్థులకు అత్యుత్తమ నైపుణ్యాలను అందిస్తుంది.
-
దర్శకత్వం
ఒక కథను చక్కటి కథనంగా మార్చడం చాలా కష్టంతో కూడుకున్న పని.
చక్కటి సన్నివేశాల రచన, కదిలించే సంభాషణలు, కదిలే చిత్రాలు, లైటింగ్, నాటకీయతను సృష్టించే ఉద్వేగాల కూర్పు ఇవన్నీ కథకు జీవం పోస్తాయి. ఆ కథని ప్రతిభావంతంగా తెర మీదకు తీసుకురావాలంటే వివిధ శాఖలను ముందుండి నడిపించడం, సృజనాత్మక నిర్ణయాలు తీసుకోవడం, సరైన విధంగా పనులను విభజన చేసి ఆయా శాఖలకు అప్పగించడం తెలిసి ఉండాలి. సినిమా నిర్మాణంలోని ప్రతి విభాగం పట్ల లోతైన అవగాహన, సృజన, ఆలోచనలను దృశ్య రూపంలోకి ఆకట్టుకునేలా తీసుకురావడం లాంటి లక్షణాలన్నిటి కలబోతే ఈ సినిమా దర్శకత్వం. సూక్ష్మతేడాలను గమనించగల నునిశితదృష్ఠి కలవారే దర్శకులు అవుతారు.
ఎన్నో జీవితానుభవాలను చూసి, వాటిని మీరు విభిన్నంగా కథారూపంలో విభన్నంగా చెప్పాలనుకుంటున్నారా? అయితే ఈ సినిమా దర్శకత్వ కోర్సు మీకోసమే. విలక్షణమైన పాఠ్యాంశాలతో, 7 భారతీయ భాషల్లో, మీ నైపుణ్యాలకు మరింత పదును పెట్టి, సినిమా పరిశ్రమకు మిమ్మల్ని తీర్చిదిద్దే విలక్షణమైన కోర్సు ఇది. RAM లో మీ దర్శకత్వ కళా నైపుణ్యాలకు, మీ సృజనాత్మకకు మరింత సానబెట్టుకోవచ్చు. కథ చెప్పడానికి కావాల్సిన పరిజ్ఞానాన్ని సముపార్జించడం, మెళుకువలను తెలుసుకోవడమే కాదు; మీ లక్ష్యాన్ని చేరుకోవడానికి కావలసినంత ప్రేరణ పొందుతూ మీ కలలను నిజం చేసుకోవడానికి అద్భుత అవకాశం ఇది.
-
కథ, కథనం
మీ దగ్గరున్న ఓ మంచి కథాంశాన్ని అద్భుతమైన కథగా, స్క్రీన్ ప్లే గా మలచాలనుకుంటున్నారా ?
మంచి కథనం(Screenplay) రాయడం చూడటానికి తేలికగా అనిపించే కష్టమైన పని. చక్కటి సన్నివేశాల పొందికగా అల్లిన కథ కోసమే ఈ రోజుల్లో అందరూ వెతుకుతున్నారు. ఒక పాత్రని ఎలా రూపొందించాలో తెలుసుకుని, ఆద్యంతం ప్రేక్షకుడిని కట్టిపడేసేలా ఇతివృత్తాన్ని రాయగలిగితే సగం విజయం సాధించినట్టే. RAM లోని ఆన్‌లైన్ స్క్రిప్ట్ రైటింగ్ ప్రోగ్రామ్ విద్యార్థులకు ఈ కళలో లోతులను చూపించి నిర్మాణాత్మకంగా కథాక్రమాన్ని నేర్పుతుంది.
దేశంలోనే ఉత్తమమైన స్క్రీన్ రైటింగ్ కోర్సు చేయాలి అనుకుంటున్నారా? అయితే మీరు సరైన చోటికే వచ్చారు. అంతే కాదు ఈ స్క్రీన్ రైటింగ్ కోర్సును ఇప్పుడు ఇంగ్లీషుతో పాటు ఏడు భారతీయ భాషల్లో, అనగా హిందీ , తెలుగు , తమిళ , మలయాళం, కన్నడ, మరాఠీ, బెంగాలీ లో కూడా పొందవచ్చు.
ఉచిత ఆన్‌లైన్ స్క్రిప్ట్ రైటింగ్ కోర్సు గురించి మరింత తెలుసుకోండి.
-
నటన
భావోద్వేగాలను అభినయించి చూపించడం మీకు ఇష్టమా ?
ఏ పాత్రలోకైనా పరకాయ ప్రవేశం చేసే నైపుణ్యం మీకుందా?
అయితే మీకిదే సరైన వేదిక. మీ నైపుణ్యాలను మరింత సానబెట్టి నటనా రంగంలోకి అడుగుపెట్టడానికి ఇదే మంచి అవకాశం. వాస్తవిక లేదా ఊహాత్మక సహజాతాలకు(instinct) ప్రతిస్పందించడం, ఆంగికాన్ని, వాచికాన్ని సాధనాలుగా ఉపయోగించి, సృజనాత్మకతో ఒక పాత్రకు ప్రాణం పోయడమే నటన అంటే.
నటన నేర్వవచ్చు, నేర్పించవచ్చు, పరిపూర్ణత కూడా సాధించవచ్చు. నటన పట్ల అభిరుచి కలిగిన వారికోసమే ఈ కోర్సు. ఈ ఉచిత ఆన్‌లైన్ యాక్టింగ్ కోర్సులో క్లిష్టమైన నటనా పద్దతులను కూడా తేలికగా అర్థమయ్యేలా, లోతుగా విశ్లేషిస్తూ అందిస్తారు.అంతే కాదు ఈ యాక్టింగ్ కోర్సుని ఇప్పుడు ఇంగ్లీషుతో పాటు ఏడు భారతీయ భాషల్లో, అనగా హిందీ , తెలుగు , తమిళ , మలయాళం, కన్నడ, మరాఠీ, బెంగాలీ లో కూడా పొందవచ్చు.
-
చిత్రనిర్మాణం
క్రమబద్ధమైన నిర్మాణాత్మక మార్గంలో ప్రణాళిక రచించి అమలు చేయడమే చిత్రనిర్మాణమంటే.
ప్రొడక్షన్ అంటే – షూటింగ్ లను షెడ్యూల్ చేయడం, నిర్వహించడం, బడ్జెట్ నిర్వహణ , బృందాల మధ్య సమన్వయం, పోస్ట్ ప్రొడక్షన్‌ను పర్యవేక్షించడం.. ఇలా ఎన్నో పనులుంటాయి. ఇవన్నీ తేలికగా, సులువగా జరగాలంటే, సృజనాత్మకతతో పాటు మరిన్ని నైపుణ్యాలు ఉండాలి. సాంకేతిక, వ్యాపార విషయాల పట్ల అవగాహన ఉండాలి. సినిమా నిర్మాణాన్ని తొలి నుంచి తుదివరకు నడిపించే ప్రక్రియపై ఆసక్తి ఉన్న వారికి ఈ కోర్సు ఉపకరిస్తుంది.
ప్రస్తుత డిజిటల్ యుగంతో, కొత్త పుంతలు తొక్కుతున్న సినిమా ప్రొడక్షన్ లో ఎదురయ్యే సవాళ్లను, వాటిని అధిగమించే మార్గాలను తెలుసుకోవడానికి ఈ కోర్సు తగిన విద్యనందిస్తుంది. ఈ కోర్సులో విద్యార్థులు వారి కోసమే రూపొందించిన ప్రత్యేక సమాచారాన్ని, నిర్మాణంలో ప్రతి విభాగంలో, వివిధ రంగాల నిపుణుల అనుభవాలను తెలుసుకోవచ్చు. రామోజీ అకాడమీ ద్వారా అడ్వాన్స్డ్ మీడియా ప్రొడక్షన్ కోర్సుని ఆన్‌లైన్ లో ఉచితంగా పొందవచ్చు.
