రామోజీ గ్రూప్ – ప్రత్యేకత మా ఆకాంక్ష
రామోజీ గ్రూప్ సినిమా ప్రపంచంలో దశాబ్దాలుగా ప్రత్యేకతను చాటుకుంటోంది. కుటుంబమంతా కలిసి చూడదగ్గ వినోదాత్మక చిత్రాలను పలు భారతీయ భాషల్లో అందించడం దగ్గర నుంచి, అత్యంత సమగ్రమైన ఫిల్మ్ మేకింగ్ మౌలిక సదుపాయాలను కల్పించడం వరకు సినిమా రంగానికి బహుముఖ సేవలందిస్తోంది.
ప్రపంచంలోనే అతి పెద్ద సినిమా స్టూడియో కాంప్లెక్స్ గా గిన్నీస్ బుక్ ఆఫ్ రికార్డ్స్ గుర్తించి గుర్తించిన రామోజీ ఫిల్మ్ సిటీ సినిమా నిర్మాణానికి కావాల్సిన అపరమిత మౌలిక సదుపాయాలను, చిత్రీకరణ ఏర్పాట్లను, షూటింగ్ ప్రదేశాలు, ప్రొడక్షన్ వనరులను, ఇతర అనుబంధ సేవలను అన్నివేళలా అందిస్తుంది. ఇప్పటివరకు 2600 పైచిలుకు చిత్రాలను ఇక్కడ నిర్మించారు. అచ్చెరువొందించే వీధులు, నేపథ్య ఆకర్షణలు, స్టూడియో టూర్, పర్యావరణ పర్యటన, పక్షుల కేంద్రం, సీతాకోకచిలుకల ఉద్యానవనం, నిత్యం ఆనందపరచే లైవ్ షోలు, హై-యాక్షన్ స్టంట్స్, ఆటలు, సాహస, సరదా సవారీలు, ఆహారశాలలు, విపణికేంద్రాలు, సౌకర్యవంతమైన హోటల్‌ మొదలైన సదుపాయాలతో రామోజీ ఫిల్మ్ సిటీ అందర్నీ ఆకర్షించే పర్యాటక కేంద్రంగా కూడా గుర్తింపు పొందింది.
రామోజీ గ్రూప్ వేసే ప్రతి అడుగులోనూ, విన్నూత ఆలోచనలతో కొత్త ప్రమాణాలను నెలకొల్పుతూ, తటస్థ పాత్రికేయంతో ప్రేక్షకుల మనసులు గెలుచుకున్నాయి. రామోజీ గ్రూప్ సరికొత్త డిజిటల్ చానల్ ఈటీవీ భారత్, ఇంగ్షీషుతో సహాయ 12 ప్రధాన భారతీయ భాషల్లో, 28 రాష్ట్రాల వార్తలను అందిస్తూ ప్రత్యేకంగా తయారు చేసిన యాప్స్, పోర్టల్ ద్వారా సేవలు అందిస్తున్నాయి.
మదుపరుల విశ్వసనీయతను సంపాదించుకుంది. డాల్ఫిన్ హోటల్స్ విశాఖపట్నంలో, హైదరాబాద్ లోని రామోజీ ఫిల్మ్ సిటీ లోనూ పలు రకల బడ్జెట్ మరియు లగ్జరీ హోటల్స్ నిర్వహిస్తూ ఆథిత్య సేవల్లోనూ తన ప్రత్యేకత చాటుకుంటోంది. ఇంటిల్లిపాదికీ తెలిసిన మరొక పేరు ప్రియ ఫుడ్స్. భారతీయ సంప్రదాయ రుచులను పరిచయం చేస్తూ పలు రకాల నోరూరించే పచ్చళ్లు, పౌడర్లు, మసలాలు, స్నాక్స్ , ఇన్ స్టాంట్ మిక్స్ , చిరుధాన్యాల వంటి ఎన్నో అద్భుతమైన ఉత్పత్తులు అందిస్తోంది. అలాగే అనేక భారతీయ నగరాల్లో కళాంజలి షోరూమ్‌ ద్వారా జాగ్రత్తగా ఎంపిక చేసిన అపురూప కళాఖండాలు, హస్తకళలా ఉత్పత్తులు, చేనేత వస్త్రాల నిధిని అందిస్తున్నారు. ఫిల్మ్ సిటీలో నెలకొల్పిన ‘సుఖీభవ’ సంపూర్ణ స్వస్థత కేంద్రం ప్రత్యామ్నాయ, సాంప్రదాయ ఆరోగ్య సేవలందిస్తోంది.
